ដោយសង្កេតឃើញថាបច្ចុប្បន្ននេះយុវជនយុវនារីខ្មែរភាគច្រើនកំពូងចាប់យកវប្បធម៌បរទេសយកមកធ្វើជារបស់ខ្លួន ជាពិសេសដោយចង់បង្ហាញពិភពលោកថាខ្មែរយើងគឺជាពូជអ្នកសាងអង្គរ ដែលមានប្រាង្គប្រាសាទជាច្រើននៅជុំវិញផ្ទៃប្រទេស ដូចជាប្រាសាទអង្គរវត្ត ជាទឡ្ហីករណ៍បង្ហាញស្រាប់ ជាងនេះទៅទៀតខ្មែរយើងមានបទភ្លេងរបស់ខ្លួនជាច្រើនដែលបុព្វបុរសខ្មែរបានបង្កើតនឹងចងក្រងទុកឲ្យកូនខ្មែរថែរក្សាកុំឲ្យបាត់បង់។បទភ្លេងមហោរីជាច្រើនបានបាត់បង់ដោយសារកត្តាផ្សេងៗ ជាពិសេស អ្នកដែលចេះចាំមិនបានចែករំលែកទៅអ្នកផ្សេងទៀត។ បទមហោរីទាំងនេះបានមកពីការខិតខំស្រាវជ្រាវ នឹងបានមកពីបងប្អូនខ្មែរទាំងអស់ដែលរស់នៅឯក្រៅប្រទេស តែបទខ្លះក៏មានចំណងជើង រីឯបទខ្លះទៀតក៏ខ្ញុំបាទមិនដឹងចំណងជើងដែរ។ ពេលនេះខ្ញុំនឹងដាក់ឲ្យកូនខ្មែរគ្រប់អាចស្តាប់នឹងទាញយកទៅថែរក្សាបន្ត។
សូមជួយចែកផ្សាយបន្ត តែសូមរក្សាសិទ្ធិផង នេះជាសំណូមតែមួយគត់
-សម្លេងទ្រ
-សម្លេងតាខេ-បទព្រះថោងក្នុងកុនខ្មែរ-សម្លេងខ្លុយ
-បទសុរិន្ទខ្នងភ្នំ
-សម្លេងឃឹម
-សម្លេងតាខេតូច-សម្លេងតាខេ
-សម្លេងសាដៀវ១
-សម្លេងសាដៀវ២
-សម្លេងសាដៀវ៣-
-សម្លេងស្នែង១
-ផ្លុំស្លឹកបង្គងក្អែក
-ផ្លុំស្លឹក២
-សម្លេងស្នែង
-ព្រះថោងសម័យបុរាណ
-សម្លេងទ្របទឡៅឡឹកកំសត់
-បទបំពេសម្លេងទ្រ
-របាំខ្មែរច្រូតស្រូវ
ក្នុងចំណោមភ្លេងទាំងនេះ មានភ្លេងខ្លះអាត្មាមិនដែលធ្លាប់បានឮទាល់តែសោះតែម្តង ដូចជាសម្លេងទ្របទឡៅឡឹកកំសត់ ជាដើម។ បើកុំតែបានបងយកមកបង្ហោះដាក់ក្នុងទីនេះ ម្ល៉េះសមថ្ងៃក្រោយប្រសិនបើអាត្មាស្តាប់ ប្រហែលជាអាត្មាយល់ថាភ្លេងនេះជារបស់សៀម ឬលាវបាត់ទៅហើយមើលទៅ! សូមអរគុណបងប្រុសចំពោះមនសិការជាតិរបស់បងក្នុងការថែររក្សានូវភ្លេងប្រពៃណីជាតិយើង៕ សូមទទួលការរាប់អានពីអាត្មាភាពផង!
ខ្ញុំព្រះករុណាសូមសម្តែងនូវការកោតសរសើរចំពោះលោកបងដែលមានចំណាប់អារម្មណ៍បែបនេះ។ ខ្ញុំព្រះករុណាចង់ឲ្យកូនខ្មែរគ្រប់រូបជួយថែរក្សានូវ
កេរតំណែលវប្បធម៌ទាំងអស់គ្នា។ សូមលោកលោកទទួលបាននូវជ័យជំនះគ្រប់ការងារ ជាពិសេសសការសិក្សា។
សាធុៗ សូមអរគុណបងច្រើន។
ខ្ញុំព្រះករុណាមានក្ដីរំភើបជាខ្លាំង និងសូមអរព្រះគុណព្រះអង្គដែលខិតខំប្រមូលសម្លេងភ្លេងខ្មែរទាំងអស់នេះមកផ្សព្វផ្សាយ វាពិតជាពិបាករកណាស់ ព្រោះស្ទើរតែបាត់បង់អស់ទៅហើយ
សូមអរគុណដែលបានចូលមកកាន់ប្លករបស់ខ្ញុំបាទ។ អរគុណដែលអោយតម្លៃខ្ញុំ តាមពិតខ្ញុំបាទជាមនុស្សសមញ្ញទេ មិនមែនជាបព្វជិតឬអ្វីផ្សេងឡើយ។ តែខ្ញុំបាទគ្រាន់តែមិនចង់ឲ្យភ្លេងខ្មែរដែលជាកេរតំណែលរបស់បុព្េះបុរសខ្មែរយើងបាត់បង់តែប៉ុណ្ណោះ។ រាល់បទភ្លេងដែលបានដាក់បង្ហាញនៅទៅនេះ ភាគច្រើនបានមកពីការស្រាវជ្រាវ នឹងដើរសុំគេដោយចំណាយថវិកាខ្លួនឯងខ្លះៗ។ មានសំណួរជាច្រើនបានចោទសួរខ្ញុំថា ធ្វើដូចនេះមានប្រយោជន៍ឬទេ? ខ្ញុំឆ្លើយតបទៅគេវិញថាមានប្រយោជន៍ធំណាស់សំរាប់កូនខ្មែរគ្រប់រូបព្រោះយ៉ាងហោចណា់ស់ក៏ពួកគេបានស្គាល់ បានស្តាប់ពីបទភ្លេងទាំងអស់នេះដែលជារបស់ដូនតាខ្មែរពិតៗ មិនបានលួចចម្លងគេនោះទេ ត្រង់នេះហើយហៅថាមានប្រយោជន៍សម្រាប់ប្រជាជាតិខ្មែរទាំងមូល។
អរគុណជាថ្មីម្តងទៀតសំរាប់ការចូលរួមគាំទ្រជាមួយខ្ញុំ ដើម្បីឲ្យខ្ញំមានកំលាំងចិត្តក្នុងការអភិរក្សតន្ត្រីដូនតាឲ្យបានគង់វង្ស។ ប្រសិនជាមានចម្ងល់ឬសំណូមពរផ្សេងៗ អាចទំនាក់ទំនងមកកាន់លេខរបស់ខ្ញុំ 078868785។ សូមជួយផ្សាយបន្តផង សូមអរគុណ
How Can I download it brother, i need it to put in my videos. thanks in advance. KONG Oudam
សុំទោសដោយសារពេលនេះខ្ញុំកំពុងរៀបចំកែសម្រួលឯកសារមួយចំនួនដើម្បីអោយមានភាពងាយស្រួល។ ដូចនេះក៏សូមអភ័យទោសពីលោកផងដែរ ហើយខ្ញុំនឹងខិតខំកែសម្រួលអោយបានឆាប់ដើម្បីចែកជូនដល់កូនខ្មែរគ្រប់រូបបានទាញយកទៅស្តាប់។
ហើយសូមទោសផងក្នុងការឆ្លើយតបយឺត ព្រោះរវល់រៀន។